Pine tree Hill Seafood

球會指定活動之一就係打邊爐，因為每年會慶都喺農曆新年前後，咁冬天就通常會選擇去打邊爐。久而久之就變成咗冬季指定活動啦。

人多嘅好處係可以點多D配料同埋點2個鍋，可以試多D唔同嘅湯底。

其實全程都掛住傾計，都無影到相，比較印象深刻嘅有以下嘅食物。

醉雞鍋入面嘅雞好腍，肉質又無煮到好韌，都算幾滑。

海鮮拼盤有幾款海鮮都唔錯，聖子同海蝦好新鮮。鮑魚都唔錯，出菜時好生猛不斷咁郁。配料方面牛肉肥瘦均勻，丸類多數係自家製作，鮮蝦雲吞同黑松露餃都好食，食物用料新鮮。