Café Lab (Closed)

朋友推介我黎試下cafe lab既西餐，話食物高質素，果然無令人失望！帶子刺身薄片：雖然話係薄片，但係其實一啲都唔薄，而且刺身非常新鮮，$100一啲都唔貴！慢煮加拿大豬鞍：分量都幾多，肉質好鮮嫩，真正做到鎖住肉汁，食到停唔到口，yummy!燒法式香草羊架：好欣賞佢 火喉可以控制得好好，羊架肉質仲好鮮嫩，唔會鞋拾拾！阿根廷紅蝦扁意粉：意粉都有驚喜，汁雖然有少少傑身，不過反而夠濃同掛到落每條意粉度，正！阿根廷紅蝦大隻同帶子一樣都好新鮮，讚！最後試埋佢嘅甜品月球，係朱古力味慕絲，外型得意吸引！