喜多嬉牡蠣屋 (Moved) New Location

市面上好少有生蠔🦪放題，所以都好有興趣試下，見到中環既~喜多嬉牡蠣屋~有牡蠣放題，一於試下。呢間係以生蠔做主題既居酒屋，以木色為主，簡約舒服。呢度既生蠔係由日本直接進口，新鮮到不得了。放題有60 同90分鐘揀，我梗係揀90分鐘啦，食餐豪既。一開始餐廳送上頭盤喜多嬉九品，有喜多嬉牡蠣茶漬飯、燒活白鰻、蠔刺身、象拔蚌刺身、天婦羅秋葵、月見燒鳥串、天婦羅紫蘇葉吞拿魚蓉、沙律，樣樣都好精緻，樣樣好食。接下落黎係任食啦，有烤牡蠣、牡蠣刺身、烤帆立貝、串燒、飲品。牡蠣刺身係啱啱係前菜已經試左，刺身啖啖肥美juicy又Creamy，入口滑溜鮮甜，伴埋土佐酢啫喱，辣蘿白蓉，鮮味再提昇。烤牡蠣一样肥美，蠔油香氣十足，餐廳仲附上三種醬汁，伴住烤牡蠣食，更加惹味。唔好以為呢度得牡蠣正，佢啲任食串燒都唔馬虎，最鍾意味醂魚🐟乾有咬口、燒鳥🐔串同燒鳥大腿肉串脆卜卜、燒蕃薯仔好甜。呢間真係好正，返到屋企仲諗住啲牡蠣。