優點心 (Closed)

老蘭有點心食？朋友同我講時都打左個😲，佢話唔係酒樓，只係小店舖，但款色都幾特別，價錢合理，無加一，所以食晏時間好多人⋯⋯於是請朋友帶我早D去會一會翠綠鮮蝦腸 $35，蝦夠大兼且爽，配上唐生菜，清清香香，色彩鮮豔拉絲芝士蒜香春卷 $29，炸得脆，皮夠薄，口感鬆化，有芝味，欠拉絲效果海洋魚子鮮蝦燒賣 $38，見單係燒賣款式都有好幾款，試籠無咁多花巧先，魚子比外面嘅酒樓多，食落都真係唔錯，中間仲多條有魚蛋味嘅小丑魚，得意黑白松露素菜餃 $55，鐘意食菇及松露嘅人士必選七味炸雞翼 $32，有五隻咁多，炸得外脆內嫩，味道啱啱好，值得encore 燒烤雞翼 $22，兩隻，相對無咁抵食，雖然感覺上師奶左，但食手工，燒得靚燒烤牛肉串 $15，不過不失阿華田竹炭流沙包 $34，侍應提醒食時小心被醬爆辣到，所以都會小心翼翼食，可惜唔夠醬，爆唔起，話雖如此，都值得食，因為個飽好軟熟，阿華田味亦出養顔窩心紅棗糕 $20，熱食紅棗糕，煙煙韌韌好QQ，下次一定再叫。