焱丸水產 (Closed)

入到黎呢間餐廳，就俾佢牆上嘅裝飾所吸引，充滿濃厚嘅日本風格，彷彿置身於日本居酒屋之中。呢度有唔少種類嘅酒類可以選擇，我就選擇咗檸檬海鹽口味既燒酒，味道幾特別，酒精味唔重，容易入口。呢度除咗酒類，都有其他非酒精類嘅選擇，朋友就選擇咗巨蜂提子梳打，甜度適中，冇乜特別。首先當然唔少得一個開胃嘅前菜，除咗蔬菜，呢份沙律仲會有大量唔同款式既魚生，份量驚人，而且魚生都好新鮮，同蔬菜一齊進食可以中和膩感。我哋叫咗一份牛肉鍋，分量足夠兩個人分享，湯底清甜，係常見嘅壽喜歡醬油湯既風味，同牛肉非常之搭配。嚟到呢度一定要食佢嘅燒海鮮，蜆類飽滿多汁，鮮甜，仲有淡淡酒香。最後食埋個燒海鮮，非常滿足嘅一餐。