初見 (Closed)

餐廳裝潢平實, 大多數係4人枱, 枱與枱之間有足夠距離, menu 上嘅款式都幾多, 有拉麵, 刺身, 鍋物, 漢堡, 咖哩等等。𓊈四式刺身丼 $𝟾𝟾𓊉四式刺身丼有三文魚, 油甘魚, 帶子, 甜蝦, 蟹籽, 甜蛋同蟹柳, 都幾豐富, 三文魚好肥美, 油甘魚幾鮮甜, 帶子厚身口感結實, 甜蝦都幾大隻, 壽司飯唔會太多, 加咗少少飯素, 味道更豐富。𓊈鐵板炒牛肉粒配炒什菌椰菜 $𝟾𝟶𓊉份量真係好多, 不論椰菜, 雜菌定牛肉粒都好多呀。牛肉粒完全唔會靭, 粒粒都好juicy, 雜菌同椰菜都炒得好軟腍, 如果想食得濃味d, 可以蘸點側邊嘅燒汁, 味道會更香濃。𓆹 麵豉湯套餐包咗一碗麵豉湯, 熱辣辣, 味道屬正常發揮。𓆹 柚子蜜凍柚子蜜味道唔會太甜, 有淡淡柚子香味。𓆹 玄米茶如果唔想飲甜嘢, 可以揀茶包, 有玄米茶同花茶可以揀。