一休鐵板燒 (Closed)

無去堂食嘅我，有時突然都想食吓鐵板燒！😕 而旺角呢間「一休鐵板燒 」就滿足到我嘅願望啦！🧚🏻 鐵板燒一向定價都偏貴，閒閒哋都人均過千。呢間鐵板燒外賣店，反而希望將鐵板燒平民化，推出價錢貼地嘅鐵板燒料理👏🏻 $39就有一盒日式鰻魚炒飯、$58就食到熊本一口牛，真係用蔗渣價錢買到燒鵝味道，認真抵食！🙆🏻‍♀️食物即叫即炒，客人可以透過玻璃望住師傅烹調，做到席前鐵板燒嘅感覺😆 師傅係酒店出身，烹調手勢純熟，三兩下手勢就搞掂！💁🏻‍♀️❤️ 鵝肝鐵板燒 $68要試當然要試全店最貴嘅😎 鵝肝好厚好大嚿，大小幾乎同塊切片法包一樣！表面焦脆，內裡幼滑，一啖咬落去入口即溶，油脂豐腴！下面有一塊煎到香脆嘅切片法包，好香口！加上自家製醬汁，味道甜絲絲！面頭仲有兩條蘆筍，相當有誠意！😜 ❤️ 鐵板炒麵 $38麵可以揀拉麵/烏冬；配料可以揀雞絲/牛柳/豬肉；醬汁可以揀照燒汁/黑椒汁/一休醬油！我就揀咗拉麵+牛柳+一休醬油呢個組合💁🏻‍♀️拉麵彈牙，一休醬汁係甜甜地唔算鹹，炒得乾爽，每條麵條都均勻上色！牛柳分量都唔少，仲有椰菜絲、紅蘿蔔絲等。灑上木魚絲後，好有日本風味呀！$38有咁大盒，性價比高👀 餐廳推薦度：⭐️⭐️⭐️⭐️