家後

Open Now

Now Closed

深水埗基隆街開左間家庭式手工餃子店。食物價錢親民，經過一於入去試下。整個裝潢都將深水埗區特色融入店內。湯餃及煎餃，共7款口味、雙併都不用加錢。凍檸茶/凍檸水 $14滷水拼盤$39 呢個價錢有溏心蛋、雞翼、雞腎、雞翼尖同豬大腸。都無咩可以挑剔...雖鮮豬大腸羹 $29有別於急凍嘅好有彈性，又唔會有豬臭味。配料仲有豆腐、豬紅、木耳，建議食用前先拿掉少許胡椒粉，再加店家自家製辣菜甫拌勻食，超惹味、超正。雙併#煎餃 $38/8 隻（洋蔥鮮豬肉餃 、韭菜鮮豬肉餃）韭菜豬肉口味屬正常發揮，相反不好洋蔥嘅我竟覺得洋蔥豬肉有驚喜。洋蔥經過煎後，香氣充分散滿整隻餃！雙併湯餃$35 （香菇粟米鮮雞肉餃、芫茜鮮豬肉餃）粟米鮮雞肉調味偏淡，芫茜豬肉香氣就突出好多，但整體都算皮薄餡鮮！兩人食飽飽都係百幾蚊，絕對係平民美食。