餐廳裝潢由入門口去到窗邊都令人賞心悅目
雅致時尚又舒服 最最最正係個維港景
一大個藍天由窗框影照入黎🪟就好似一幅畫咁
坐係到食個lunch都份外寫意
.
《椰子雪糕🍨🥥🌽》
必點!! $18有咁多層次 仲有海景 點拒絕到
首先最底係cereal同粟米粒 撈住椰奶食
中層仲有腰果同花生🥜增加nutty獨特香氣
最上層有兩球椰子雪糕 質感QQ的 清甜唔膩
配埋鬆軟鬆餅仔🧇 層次滿分
.
《泰婆豬頸肉青咖喱意大利麵》
意粉沾滿青咖喱醬
豬頸肉煎到脆卜卜帶焦香
.
《蟹肉炒飯》
炒飯同蛋絲粒粒分明 亦清楚見到一梳梳蟹肉
蟹肉份量合理 味道鮮甜
.
《泰式單骨雞翼》
雞翼外皮好酥脆 單骨好易食
點埋泰式醬汁食別有一番風味
.
《炭燒魷魚鬚🦑》
魷魚鬚經過炭燒後d腳邊邊係焦香的
帶煙燻味 而肉質爽彈
.
《斑蘭花椰香鮮奶🍸🥛》
好少見斑蘭味既latte 好特別
口感清新 斑蘭有種淡雅既香氣
同椰奶好襯好夾
.
《泰式季節茶☕️》
茶味清新怡人又回甘 口感柔順
.
Weekday set lunch $78起；下午茶 $48起
Weekend set lunch $108起；下午茶 $63起
好抵食!!
