Video
Read full review
2021-06-09
43 views
星期日就同小朋友去九龍灣展貿睇Baby Shark Live ，我聽講仲有好多名牌outlet 買，我係一個有準備既媽媽當然同朋友一齊探下路，睇下附近有咩好野食先。咁岩見到2樓既泰國菜🇹🇭 泰傳奇晚餐價錢夠經濟實惠仲要包飲品，我地即刻入去坐低點餐。職員安排左電視下既位置比我同朋友，周圍環境都好特別有種西式與泰式結合既感覺，一邊牆上掛有酒樽係牆上，另一邊牆身就有泰式壁畫。同朋友一齊Metime真係幾舒適。我地叫左「巴東牛肉飯」、「青咖喱牛腩飯」飲品要「三色冰」、「龍眼冰」。巴東牛肉微辣，牛肉好淋好入味，牛肉味好濃。我覺得青咖喱牛腩真係唔錯值得推介，平時食青咖喱一般都比較辣加上油，依個青咖喱無油膩感，帶有甜羅勒葉香氣再配埋茄子青豆有清新感。食完辣野再飲埋三色冰龍眼冰，夠晒透心涼。三色冰綠色燕菜條爽滑夠椰香。龍眼冰唔會太甜，食埋龍眼肉清一清咖喱味夠醒神
咁岩見到2樓既泰國菜🇹🇭 泰傳奇晚餐價錢夠經濟實惠仲要包飲品，我地即刻入去坐低點餐。
職員安排左電視下既位置比我同朋友，周圍環境都好特別有種西式與泰式結合既感覺，一邊牆上掛有酒樽係牆上，
另一邊牆身就有泰式壁畫。同朋友一齊Metime真係幾舒適。
我地叫左「巴東牛肉飯」、「青咖喱牛腩飯」飲品要「三色冰」、「龍眼冰」。
巴東牛肉微辣，牛肉好淋好入味，牛肉味好濃。
我覺得青咖喱牛腩真係唔錯值得推介，平時食青咖喱一般都比較辣加上油，依個青咖喱無油膩感，帶有甜羅勒葉香氣再配埋茄子青豆有清新感。
食完辣野再飲埋三色冰龍眼冰，夠晒透心涼。三色冰綠色燕菜條爽滑夠椰香。龍眼冰唔會太甜，食埋龍眼肉清一清咖喱味夠醒神
Post
