高麗軒韓國料理 (Closed)

尖沙咀一向多美食，今晚就揀左間韓燒放題 － 高麗軒韓國料理，價錢相宜，野食質素唔錯又坐得舒服！野食種類有好多選擇，包括牛肉、豬肉、雜錦、海鮮、一品料理、湯品、飯、廚師精選等等。仲可以加$68升級多款雪花牛、海鮮等。前菜有菠菜、芽菜、泡菜等，開胃之作。肉食推介3A雪花牛、Prime雪花牛、法式羊架、牛舌、牛仔骨。雪花牛富油花，柔軟多汁好鮮甜，法式羊架脂肪、瘦肉比例均勻，肉質鮮嫩無羶腥味，口感非常好。牛仔骨嫩而不韌好惹味。泡菜煎餅外皮酥脆可口唔會濕濕軟軟，加入香濃泡菜，味道酸酸辣辣好開胃。飲品方面有多款韓式罐裝飲品，推介牛蒡茶同蘆薈汁，清新解膩。