尚點 小籠包.上海麵館 (元州商場) (Closed)

今晚媽咪加班，無買餸煮飯，於是一家三口就黎左呢間尚點食晚餐紅油抄手 個餃皮薄而且餡料豐富，不過唔夠辣，汁可以再多啲。招牌生煎包個底煎得十分香脆鐵板保溫能力佳鮮肉小籠包皮都幾薄，而且十分多湯餡料調味剛剛好，不俗～酒香浸菜芯個人唔太鍾意花雕酒既味道，所以未有嘗試，同行既母親覺得花雕酒味道相當濃郁，喜歡花雕酒香既可以一試。菜色睇落十分翠綠，唔會偏黃而影響食慾。葱爆牛肉牛肉味濃，炒得十分鮮嫩有鑊氣，完全無過火。夠辣夠香夠惹味，一定要配上爆香左既蔥食啊鮮肉小雲吞呢款餃子既餡料同樣好足料，十分抵食，配上幾束紫菜既湯幾香。酒釀丸子一眼望去，見到滿滿既桂花，所以香氣十分濃郁酒味同甜度都剛剛好，而小丸子就煙煙韌韌，大小適中，係一款唔錯嘅飯後甜品整體來講，呢間餐廳食物選擇都幾多，而且連鎖餐廳黎講價廉物美，推薦！