韓一館 (Closed)

 其實喺杏花新城食嘢的選擇真係幾多，今次試試韓一館。午市時間不用等位坐低就即刻叫嘢食，大部份的係介乎$50-$60 個人認為中午食韓國菜呢個值都算係咁。保守D叫了個炒雞肉飯。泡菜是韓國菜的指定食品吧，真的好辣，但唔辣又點過癮呢？湯尚算清，沒有太大特別。沒等多久主菜便到。雞肉同菜用鐵板上，而且炒得幾香，雞肉最緊要唔"鞋"，菜都有唔少。小弟出街食飯常常遇到的白飯問題包括飯太硬或太淋或唔夠熱基本上喺韓一館都遇唔倒。份量略嫌不夠多乃美中不足，但埋單發現唔駛加一都算值，但個餐應該唔包餐飲，咁唯有去老麥買杯細可樂頂一頂吧!