十三姨酸菜魚 (Mikiki) (Closed)

Mikiki 新開誠品書店，所以點都花時間過去襯墟。雖然Mikiki 店嘅排書方法幾好，但人太多所以好快走咗。Mikiki新開好多食肆，全部都價格相宜同好啱食，行咗個圈決定食十三姨酸菜魚。冇乜餐廳會做一人份酸菜魚套餐，所以見到餐牌都喜出望外。今次叫咗個蕃茄擔擔麵套餐，因為走辣所以好似蕃茄麵。套餐送飲料，我叫咗酸梅湯，味道冇乜特別。基本上就係一個性價比非常高嘅餐廳，可以再去。