最人氣最多人食就係呢間紅磡冰室
一站式提供早餐,常餐特餐,下午茶,晚餐精選,午餐
仲有宵夜餐
小菜都有幾十款,份量唔多,但係部份菜式係做得幾好既
小菜都分豬肉,牛肉,雞,海鮮類各一版
純蔬菜類也有,算係幾照顧到食客需要
常餐B 瑞士雞翼撈公仔麵,配炒滑蛋,牛油西多士 凍飲加3
略貴,但食落都收貨,唔錯既
常餐B $50
柚子雞翼拚辣薯角
XO醬炒豬頸肉公仔麵
下午餐價錢大約40上下
先講炒公仔麵
配料有洋蔥,蔥,炒得算幾乾爽,XO醬帶微辣,食落唔錯,係油膩左少少啦
雞翼拚薯角
即點即炸,等15分鐘,炸得脆香,炸透連骨都想食埋
唔錯!
最有驚喜係瑞士雞翼撈公仔麵
浸到雞翼入曬味,好香甜,勁濃味,撈埋公仔麵食一流
個多士竟然抹上好多牛油同香蒜再焗,超級香口,勁爆蒜香,忍唔住食曬全份!
炒滑蛋,份蛋就炒得幾滑既
凍奶茶同檸茶就一般貨色,唔夠茶味,好淡
