邦美蜀越式工房 (Closed)

元朗多嘢食係人都知，但好多時睇你撞唔撞正搵到啲好嘢食，早排我同我個朋友仔喺元朗千色行完街就去咗入啲嗰邊見到呢間越南餐廳就入咗去坐，貪其不太多人，而我呢個朋友仔之前食過話OK，其實最主要都係想有個地方唔駛等就坐得低食。入到去裝修簡單得黎又夠寬敞，點咗個湯麵、小食拼盤同四寶飯，個拼盤係俾我地KO晒。當然我地只得2個女仔食唔晒咁多肉，但每樣都都食到啲就真係幾享受。不過如果個冷氣可以唔好咁凍就好，因為搞到啲食物明明上枱時熱辣辣，食多陣都變冷了~不過價錢好大眾化。以為一間喺咁隔涉既地方唔會有咁多人黎，點知見Operice都幾多好既評語，所以好嘢係唔怕要人捐窿捐罅去搵去試！