潮州人

Open Now

Now Closed

📍潮州人 🔎中環機利文新街8號地舖-----收工到中環覓食，揀咗呢間樓高兩層嘅潮式餐廳。餐牌係以特色米粉同潮式小食為主，選擇唔少，睇落都幾吸引。🥢金牌花膠湯米粉佢地嘅米粉有大碗同細碗可以揀，但細碗其實都已經好夠分量。米粉細滑，湯底好夠濃郁，花膠炆到啱啱好，滑溜但又唔係嗰種溶晒嘅感覺。🥢慢煮雞肉湯米粉雞肉慢煮過，質感好嫩滑，雞湯微甜唔油膩，加上索汁細米粉，清清地幾唔錯。🥢師傅醉雞翼：雞翼滑嫩入味，唔會太濃酒味，但又感覺到香料同酒嘅層次。🥢蔥油廣島蠔：蠔好肥美，配埋蔥油香氣十足，食完仲有啲鮮甜喺口腔徘徊住。.🥢溏心醉蛋：溏心蛋黃半流心，酒香滲晒入去，鹹甜之中帶啲醉意，不錯。🥢甘香醉鮮蝦：蝦肉鮮味突出，仲有淡淡嘅酒香，而且質感彈牙。🥢香辣魚皮：帶椒麻香氣，質感爽口。🥢酒糟醉雞腎：雞腎爽口冇腥味，好乾淨。🥢古法醉鮮鮑：鮑魚質感彈牙，調味唔會太重，酒香同鮑魚本身嘅鮮味配合得唔錯。