川粤時空時尚小廚

Open Now

Now Closed

朋友約咗去呢一間觀塘川菜小店食嘢，第一次食呢啲工業大廈樓上鋪，估唔到上到去環境又幾闊落，整體感覺都幾唔錯。睇睇個餐牌都有好多選擇，見到非常多小菜都10分吸引，價錢方面都唔會太貴！🌟青筍炒臘肉：青筍炒臘肉簡單唔辣嘅小菜推介，青荀好爽甜，臘肉又夠香。🌟麻辣口水雞：麻辣口水雞啲雞肉一啲都唔會鞋，仲超級滑！加上麻辣油十足，食得好滿足，好正宗🌶️🌟乾鍋辣子肥腸：乾鍋辣子肥腸嘅辣味好香濃，肥腸好有油脂香！餐廳都將肥腸處理得好好，洗得好乾淨。🌟重慶紙包魚：大大條嘅紙包魚非常吸引，而且仲有好香濃嘅辣味撲鼻，食嘅時候辣到係咁流汗，不過好正嘅係啲魚唔算太多骨，仲要非常之入味，口感都好滑添！