如月居酒屋 (Closed)

𓆪𓈌如月居酒屋位於旺角，地理位置好方便，環境整潔雅緻，食物款式多價格親民，係一間幾適合朋友聚會嘅家庭式居酒屋𓎛串燒✦厚燒牛脷芯𓂅厚切牛脷芯燒得火喉啱啱好，入口好彈牙，簡單地以海鹽同黑椒調味已經好惹味✦蒲燒鰻魚𓂅鰻魚食落幾滑，無乜細骨同腥味，邊緣位燒得微焦好香口✦阿波尾雞軟骨𓂅肉同軟骨相連，肉汁好夠，又有軟骨嘅爽口感✦宮崎黑豚肉腸𓂅一咬落去就有濃濃嘅芝士溢出，佐酒一流✦北海道帆立貝𓂅帆立貝大大隻，味道正常發揮✦燒豆腐串𓂅口感似魚肉豆腐，豆味幾濃✦豬軟骨九州蕎麥麵𓂅鏗魚湯底嘅蕎麥麵，麵嘅蕎麥味幾突出，質地好爽身，豬軟骨好入味，骨膠原滿滿，肉質軟腍程度適中✦滑蛋炸雞飯𓂅炸雞酥脆，入面保留到少少肉汁唔會炸得太乾，醃得好入味，而滑蛋略嫌火候過左少少✦炸餃子𓂅外皮超香脆，咬落咯咯聲✦一口芝士𓂅芝士充滿咸香，外層鬆脆✦芝麻雞翼𓂅外皮黃金酥脆，芝麻味道突出，雞肉嫩滑✦巨峰葡萄檸檬綠茶✦菠蘿檸檬綠茶𓂅兩杯水果口味嘅檸檬綠茶都幾清新唔會過甜，飲住嚟食酥脆香口食物好夾𓄢如月居酒屋旺角通菜街59-61號德發大廈地下2號舖