R&B (Closed)

之前見過食尚玩家介紹過，一直都係想黎食，但可惜一直揾唔到時間，見早幾日放假，約左個朋友仔出黎食tea,終於可以試下喇。咁啱去到有張二人枱，好快就可以入去。㨂左一輪之後，決定叫個burger同意粉再加兩杯野飲，慢慢食慢慢傾。第一碟黎既係熱辣辣既burger ,個賣相令到我已經好想食。其實落單既時候，waiter已經好細心咁問我地要唔要分開一半，抵讚!當咬落個burger既時候，真係好juicy,芝士味好重個牛肉唔乾，好味。再配埋個薯條，正呀。 本身好鐘意食carbonara既我，當然唔會放過叫佢既機會啦。意粉食落去好creamy同好香煙肉味，意粉軟硬度適中，好味！我同朋友分別叫左杯lemongrass and ginger同菠蘿冰。我覺得lemongrass and ginger味道好清新。一邊慢慢飲，一邊同朋友傾計，好寫意呀。最後埋單既時候，佢送左碟橙糖比我地食，咬落去味道甜得黎，又有d苦澀味，味道好得意呀