Cafe Paradise (東寶大廈) (Closed)

有時候要同朋友仔搵個地方食野, 又想唔會比人趕走都唔係易事。呢間我之前係太子食過, 但就有限時要求, 而北角呢間就無, 我地好多時都傾到最後至走。呢間食物質素中規中矩, 今次叫咗個四式雞翼併盤, 蜜糖烤雞翼, 水牛城雞翼, 蒜香雞翼及秘製咖哩雞翼, 我就覺得蜜糖烤雞翼最好味, 甜甜地而不乾, 可能係用烤所以仲有好多肉汁, 而其他三款就麻麻地, 我覺得太乾身。而我次次都會點既卡邦尼意粉, 個汁剛剛好, 唔會搞到個意粉變咗湯意咁, 而意粉口感有咬口, 唔會淋哂。而服務方面, 整體上係唔錯, 不過唔知當日係唔係有位新返工, 見佢都好緊張同好勤力,  同一碟野問我地仲要唔要起碼都3次, 但碟野明顯未食哂。