Video
Read full review
2018-01-30
3543 views
約個客去傾嘢，佢話最好坐低一路食飯一路傾，okay，fine。我提議去銅鑼灣，就腳、多嘢食，我仲知道有間環境、食物都唔錯，又唔收加一，至啱帶客嚟食飯同傾嘢。上到嚟，佢話: “唔係嘛去大排檔?” 我答: “你放心啦，呢間係非一般大排檔，好味，份量足，保證你啱食。”老細真好人俾咗個窗口位我哋，有啲自然光，傾起嘢上嚟都無咁侷促。一共有八個set 任揀，最平$98，最貴都只係$168，即使加埋海鮮拼盤、沙律、甜品、紅白酒都係有限錢，請個客食完拎張單返去公司claim 都唔怕詐型。個客都幾識歎，要咗一杯白酒、一杯凍檸茶，我就叫杯咖啡就夠喇。跟住，佢要咗份【海鮮拼盤】，有鮑魚、鮮蝦、帶子、生蠔、蟶子，佢讚啲海鮮好新鮮，好正。餐湯係火腿青豆湯。青豆打成蓉來煮成湯，再加些火腿粒一齊煮，味道都幾夾。不過，佢份【雜扒拼海鮮】上檯時，佢就有啲淆淆地，話: “咁大份，驚食唔晒”，都唔問我同唔同意，就俾咗塊魚柳我。佢自己就食牛扒、黑毛豬和大蝦。佢話塊牛扒熟咗啲，而大蝦和黑毛豬就好好味。我就叫咗一份橡果級別黑毛豬。黑毛豬肉味好濃，口感又好，唔肥膩。配菜嘅紫薯蓉好香甜。我哋食下又傾下，足足坐咗兩個幾鐘。雖然未知生意
上到嚟，佢話: “唔係嘛去大排檔?” 我答: “你放心啦，呢間係非一般大排檔，好味，份量足，保證你啱食。”
老細真好人俾咗個窗口位我哋，有啲自然光，傾起嘢上嚟都無咁侷促。
一共有八個set 任揀，最平$98，最貴都只係$168，即使加埋海鮮拼盤、沙律、甜品、紅白酒都係有限錢，請個客食完拎張單返去公司claim 都唔怕詐型。
個客都幾識歎，要咗一杯白酒、一杯凍檸茶，我就叫杯咖啡就夠喇。
跟住，佢要咗份【海鮮拼盤】，有鮑魚、鮮蝦、帶子、生蠔、蟶子，佢讚啲海鮮好新鮮，好正。
餐湯係火腿青豆湯。青豆打成蓉來煮成湯，再加些火腿粒一齊煮，味道都幾夾。
不過，佢份【雜扒拼海鮮】上檯時，佢就有啲淆淆地，話: “咁大份，驚食唔晒”，都唔問我同唔同意，就俾咗塊魚柳我。佢自己就食牛扒、黑毛豬和大蝦。佢話塊牛扒熟咗啲，而大蝦和黑毛豬就好好味。
我就叫咗一份橡果級別黑毛豬。黑毛豬肉味好濃，口感又好，唔肥膩。
配菜嘅紫薯蓉好香甜。
我哋食下又傾下，足足坐咗兩個幾鐘。雖然未知生意傾唔傾得成，但係，個客就真係好滿意我帶佢上嚟呢度，仲話下次傾第二個回合都可以再嚟。
Post
