Cocina 3 Tapas Restaurant & Bar (Closed)

唔係朋友約我黎呢度食飯都唔知，原來奧海城又大又多野行，仲唔洗同人逼添。商場地面街舖都有好幾間氣氛唔錯又chill既餐廳，可能係做街坊生意多，今晚呢間bar唔會太嘈吵，食飯傾計唔錯。首先登場係我最愛既nachos，個人偏好nachos多過nuts好多~ 收費$40但可以無限量refill既。凱薩沙律配水煮蛋 $98Caesar salad呢啲大路野正正常常咁整既話都屬於穩陣之選，沙律菜夠新鮮，同朋友開喝之前要食啲健康野，懶係健康咁先。接下來係我最愛既西班牙奄列 $88 厚厚蛋餅夾住薯仔、西班牙腸同洋蔥等惹味餡料，夠曬fulfilling。tapas通常都會有蟹餅 $108 呢度既蟹餅超厚身，成塊炸到脆卜卜，咬落啖啖都係彈牙蝦+蟹肉。蘑菇parma ham pizza $108 呢度既薄底好脆，同比較薄身，帶咸香既parma ham用黎送酒特別甘香。Mojito $88 我鐘意飲啲比較簡單同唔太甜既cocktail，通常無特別心水既話都係飲Mojito，薄荷清清地又refreshing。Snowball $68 混入左蛋酒，蛋味確係幾突出，有少少似小朋友既飲品，非常容易入口。