SUN HARU

Open Now

Now Closed

今晚去咗SUN HARU 食晚餐，呢一間係佐敦嘅新開分店，店舖牆身油上咗韓國電視劇主題嘅畫，幾有特色。我哋Order咗個二人餐。炸雞半隻：賣相吸引，炸雞嘅外皮金黃酥脆，雞肉鮮嫩，牛油蜜糖味，油脂感同甜味交融，甜而不膩。另一款係塗上咗蜂蜜芥末醬，脆香得嚟同芥末嘅惹味辛辣對比絕妙，令人喜愛！韓國烤牛肉炒粉絲：牛肉非常入味，炒粉絲吸收咗牛肉嘅肉汁同調味料，味道濃郁，入口爽滑彈牙，配合埋椰菜同蘿蔔絲，正！傳統雜錦紫菜包飯：色彩繽紛，內餡豐富，含酸黃瓜，青瓜，火腿，紅蘿蔔，蛋，再有芝麻點綴，味道配合得恰到好處。正宗嘅韓國家常餐，份量非常足，下次再試其他菜式。