Video
Read full review
2022-09-23
17 views
餐廳充滿滿滿嘅港式味同埋人情味。裡面好熱鬧好多人，員工都超有親切感過來同我地介紹有咩抵食。八點後有驚喜價$168 任食！而任食係包括雞煲，邊爐同埋韓燒！仲要啤酒汽水任飲！一次過滿足晒你四個願望呀，認真抵食。各種蔬菜飲品調味料都係以自助形式無限量供應，可以隨時隨地唔洗等。重慶麻辣雞煲辣度可以根據需要選擇，bb辣既辣度對唔食得辣既人黎講絕對係啱啱好！雞肉質鮮嫩，唔會太老又唔會太肥。雞肉完全吸收左麻辣汁嘅味道，香料又足料，真係勁惹味！打邊爐食完雞煲就加水可以直接來個邊爐。下單形式都幾傳統，係寫紙仔唔係用QR code。下單紙種類繁多，除左豬牛雞，比較特別既仲有鵝腸、象拔蚌片、其他任食餐廳好少見。提前訂位仲有贈送手切肥牛一碟。手切肥牛肉油脂分布均勻，肉味都十分濃郁，入口不柴不膩。絕對可以追加。韓國燒烤食肉獸比食當然少不了豬牛羊。亦有罕有既雞軟骨、多春魚。蒜蓉元貝值得推介，鋪上一層牛油，覺得唔夠蒜可以自己加。時間唔需要太耐就食得，淡淡的蒜香牛油味，邪惡又滿足。總括而言，性價比極高。一個價錢有打邊爐、韓燒、雞煲，可以任食任飲。地理位置又相當方便，地鐵5分鐘路程。無論係一班人定係小聚都值得推介！
餐廳充滿滿滿嘅港式味同埋人情味。裡面好熱鬧好多人，員工都超有親切感過來同我地介紹有咩抵食。八點後有驚喜價$168 任食！而任食係包括雞煲，邊爐同埋韓燒！仲要啤酒汽水任飲！一次過滿足晒你四個願望呀，認真抵食。各種蔬菜飲品調味料都係以自助形式無限量供應，可以隨時隨地唔洗等。
重慶麻辣雞煲
辣度可以根據需要選擇，bb辣既辣度對唔食得辣既人黎講絕對係啱啱好！雞肉質鮮嫩，唔會太老又唔會太肥。雞肉完全吸收左麻辣汁嘅味道，香料又足料，真係勁惹味！
打邊爐
食完雞煲就加水可以直接來個邊爐。下單形式都幾傳統，係寫紙仔唔係用QR code。下單紙種類繁多，除左豬牛雞，比較特別既仲有鵝腸、象拔蚌片、其他任食餐廳好少見。提前訂位仲有贈送手切肥牛一碟。手切肥牛肉油脂分布均勻，肉味都十分濃郁，入口不柴不膩。絕對可以追加。
韓國燒烤
食肉獸比食當然少不了豬牛羊。亦有罕有既雞軟骨、多春魚。蒜蓉元貝值得推介，鋪上一層牛油，覺得唔夠蒜可以自己加。時間唔需要太耐就食得，淡淡的蒜香牛油味，邪惡又滿足。
總括而言，性價比極高。一個價錢有打邊爐、韓燒、雞煲，可以任食任飲。地理位置又相當方便，地鐵5分鐘路程。無論係一班人定係小聚都值得推介！
Post