首創炭爐串燒，傳統製作方式，保留最原始既風味。
店鋪不大，內有吧枱座位，佈置簡潔，坐得尚算舒適。
其賣點系平民價錢，同埋所有串燒都系即點即燒，性價比高。
特製燒鱔柳 $48，燒魚類向來難掌握要訣，火候太猛易燶，太早反面就易散，
不過呢家做得好出色，外皮脆而不焦，肉質嫩而不糊，保留鮮味。
近江和牛串＄４８，選用新鮮既牛肉，肉質柔軟而結實，時間同火候剛好，鎖住肉汁。
古法燒魷魚＄２３，滿滿懷舊風味，燒到好乾身，但食落不硬，同甜甜既燒汁好夾。
沙嗲燒豬肉＄１８，沙嗲汁好香花生味，相當惹味。
招牌炭燒白蘑菇＄２０，香濃多汁。
炭燒豬頸肉＄１８，食落爽口，美中不足既邊位比較焦。
手打墨魚丸＄２４，口感彈牙。
係現時香港無咩傳統既炭燒之下，
好歡迎大家去試下呢一間炭燒店，
雖然人手真係唔多，等待要一定既時間，
但係食物唔會令你失望。
