Video
Read full review
2024-05-14
29 views
作為半個潮州人，細細個就好鍾意食潮州嘅菜式，新鮮食材，以簡單嘅調味，最能突顯食材嘅鮮味～今次嚟到呢一間「正潮樓」，由國家級潮菜烹飪大師主理，提供傳統正宗潮汕風味菜式，一於就去試試先！———————————————————🔹 鵝肉拼鵝肝潮州滷水一向係經典中嘅經典！呢度採用澄海獅頭鵝，出名大大隻，鵝肉鮮嫩油脂豐富！鵝片入口細緻嫩滑，搭配埋鬆軟滑順嘅鵝肝，成個組合冇得彈！———————————————————🔹 厚菇焗鮑魚餐廳主打菜式之一！來自墨西哥嘅鮑魚大大隻，厚肉飽滿，搭配大大件冬菇，加入豬骨、老雞等配料熬製慢煮10小時，夠哂入味！鮑魚鮮味十足，入口煙煙韌韌，食得夠晒滿足！———————————————————🔹 富貴石榴蟹富貴石榴蟹呢度菜式夠晒懷舊，係正宗傳統潮式失傳菜式！將肉蟹蒸熟後起肉，混合爽口馬蹄再以蛋白皮包裹蒸熟，最後淋上晶瑩剔透嘅芡汁，擺盤夠晒精緻，每一啖都食到濃濃嘅蟹肉鮮香！———————————————————🔹 玉枕白菜將簡單色彩，演化出豐富口味！鮮嫩多汁嘅津白包住豬頸肉、鮮蝦、蝦米及香菇等食材，慢火炆煮，將所有嘅鮮味精華融合，入口清甜多汁，層次感豐富！————————
———————————————————
🔹 鵝肉拼鵝肝
潮州滷水一向係經典中嘅經典！
呢度採用澄海獅頭鵝，出名大大隻，鵝肉鮮嫩油脂豐富！鵝片入口細緻嫩滑，搭配埋鬆軟滑順嘅鵝肝，成個組合冇得彈！
———————————————————🔹 厚菇焗鮑魚
餐廳主打菜式之一！
來自墨西哥嘅鮑魚大大隻，厚肉飽滿，搭配大大件冬菇，加入豬骨、老雞等配料熬製慢煮10小時，夠哂入味！鮑魚鮮味十足，入口煙煙韌韌，食得夠晒滿足！
———————————————————🔹 富貴石榴蟹
富貴石榴蟹呢度菜式夠晒懷舊，係正宗傳統潮式失傳菜式！
將肉蟹蒸熟後起肉，混合爽口馬蹄再以蛋白皮包裹蒸熟，最後淋上晶瑩剔透嘅芡汁，擺盤夠晒精緻，每一啖都食到濃濃嘅蟹肉鮮香！
———————————————————🔹 玉枕白菜
將簡單色彩，演化出豐富口味！
鮮嫩多汁嘅津白包住豬頸肉、鮮蝦、蝦米及香菇等食材，慢火炆煮，將所有嘅鮮味精華融合，入口清甜多汁，層次感豐富！
———————————————————🔹 脆皮酸甜蠔
主廚自家研製特調酸甜汁，將鮮甜肥美嘅台山蠔入饌，酸酸甜甜嘅醬汁提升生蠔特濃鮮味，成個組合好出色！
———————————————————🔹 香炒瑤柱鬆
香炒瑤柱鬆材料豐富，採用日本乾瑤柱，搭配馬蹄韭菜及肉鬆再炒至乾身，入口鮮味十足，帶點嚼勁，再用爽脆生菜包住餡料進食，口感一流，值得一試！
———————————————————🔹 梅汁蒸馬友魚
潮州人烹煮馬友的確有一手！用上酸味香濃既梅汁蒸制，完美融合馬友魚嘅魚子及梅子嘅酸香，入口鹹鹹酸酸，鮮味超突出！
———————————————————🔹 欖仁南瓜羹
欖仁南瓜羹綿密得黎，每啖都充滿著欖仁香脆口感，好有層次！南瓜香甜濃稠，暖胃又滿足！
———————————————————🔹 豆醬炒麻葉
麻葉係家常潮菜常見菜式！纖維感豐富之餘，更有助消化，餐廳特別加入傳統潮州配料普寧豆醬同炒，入口更加惹味！
———————————————————🔹 芋頭炒香飯
潮式家鄉炒飯！大大煲砂煲炒制，加入香甜芋頭，芋頭嘅清香滲入乾身嘅飯粒，以簡單食材呈現潮式風味嘅炒飯！
———————————————————🔹菜脯炒粿條
食潮州菜點少得嘆埋傳統潮式粿條！滑嫩嘅粿條米香味濃郁，加入爽脆惹味嘅菜脯粒炒製，令粿條味道提升至另一層次，大推！
———————————————————🔹桔餅姜薯粿
桔餅係潮州人家常甜品！以潮州特有既姜薯磨成泥，釀入煙靭嘅桔餅，口感豐富，Q彈得黎又有咬口！
———————————————————餐廳：正潮樓
地址：銅鑼灣新寧道8號中國太平大廈第一期地下B號舖
Post
