貓廬

Open Now

Now Closed

行過土瓜灣被門面貓壁畫吸引入去，果然成間鋪由牆畫到餐牌都係貓蹤，連杯墊都印住貓爪，貓奴實心心眼！叫咗兩款主食：吉列豬扒日式咖哩飯同泡菜豚肉湯烏冬。 日式咖哩吉列豬扒飯抵讚！豬扒即炸上枱仲脆卜卜，咖哩汁撈飯偏甜日式風，免費加多飯多汁夠貼心。泡菜湯烏冬酸辣夠濃，豚肉片算嫩，跟餐+$5轉凍英式奶茶茶味夠又唔澀。我哋兩杯飲品叫少甜少冰都跟足，檸茶冇苦澀味。 食物整體有水準，$171兩個餐合理。最驚喜係貓主題貫徹得徹底，由吊燈到收銀枱，所以餐具食物都有貓公仔坐鎮，睇得出花過心思。 唯一扣分係位太逼！平日lunch time都要同隔籬枱背貼背坐，壓迫感十足，搞到食得好急。建議非繁忙時間嚟，可能會坐得舒服啲。