Video
Read full review
2018-05-17
1308 views
今日偷偷射左一日波, 做得咁辛苦真係好想同老公一齊好好咁休息番一日. 今日大家都自然醒後就好CHILL 咁去左上環搵野食, 我地去左一間平時都好多人又等唔到位既餐廳, 可能已經係過左LUNCH TIME所以我地可以任坐又唔洗趕住走,可以享受一日既慢活. 餐廳既MENU 好COLOURFUL~ 好多唔同種類既野食呀! PIZZA都超過20唔同既配搭同款式. 真係好花多眼亂呀~先先我地叫左個蟹肉菠蘿沙律, 因為我食唔到olive oil 所以所有SAUCE 都另上. 唔落SAUCE都好好味, 因為蟹肉好鮮又帶點咸而菠蘿又甜甜酸酸令到個味道好豐富. 又唔會好寡!之後叫左個LASAGNA配上一杯冰凍既日本鹽梅BEER.LASAGNA 拉晒芝細細碟超足料呀. 一層肉醬一層麵仲要有大量既芝士... 好滿足! 再飲番啖冰凍BEER, 真係好高既享受.之後再上左一個2味既PIZZA (Apple Blue cheese 同埋 T-rex!!!) 我超鐘意APPLE + BLUE CHEESE PIZZA呀!!! 薄薄熱烘烘的PIZZA上面有一片片的蘋果, 蘋果既甜甜地再加埋BLUE CHEESE既咸咸
餐廳既MENU 好COLOURFUL~ 好多唔同種類既野食呀! PIZZA都超過20唔同既配搭同款式. 真係好花多眼亂呀~
先先我地叫左個蟹肉菠蘿沙律, 因為我食唔到olive oil 所以所有SAUCE 都另上. 唔落SAUCE都好好味, 因為蟹肉好鮮又帶點咸而菠蘿又甜甜酸酸令到個味道好豐富. 又唔會好寡!
之後叫左個LASAGNA配上一杯冰凍既日本鹽梅BEER.LASAGNA 拉晒芝細細碟超足料呀. 一層肉醬一層麵仲要有大量既芝士... 好滿足! 再飲番啖冰凍BEER, 真係好高既享受.
之後再上左一個2味既PIZZA (Apple Blue cheese 同埋 T-rex!!!) 我超鐘意APPLE + BLUE CHEESE PIZZA呀!!! 薄薄熱烘烘的PIZZA上面有一片片的蘋果, 蘋果既甜甜地再加埋BLUE CHEESE既咸咸地呢個味道好特別同埋真係好好好好味呀!!! T-REX 都好好味不過我真係大愛蘋果個邊!! 老公就鐘意T-REX~ 所以我地一人一邊食晒!!!仲有一個黑椒雞翼, 味道好野味! 有黑椒既香不過又唔會好辣, 好味好味~
其實都已經好飽嫁啦, 不過又想叫個COLD CUT 黎送下BEER 同埋傾下計, 呢個COLD CUT PLATTER 都好多唔同既選擇. 小小帶咸送酒好一流. 咁樣既一個悠悠閒的下午配上美食同啤酒真係非常寫意.
Post
