樂湯雞麵館 (登龍街) (Closed)

今日晏晝同朋友經過銅鑼灣呢間樂湯雞，見個名咁得意就望多下，朋友就好有興趣，所以下晝深深就黎食個花膠雞煲。冇諗過原來都有埋翅食。最欣賞呢間舖佢主打健康為主，少糖少鹽，非常正。我地叫左個花膠雞煲翅，真係即叫即煲，黎到仲為勁滾緊，咁好火喉，真係好啱而家啲天氣食。我地要左半隻雞，都好多份量。首先真係擺滿晒雞，仲有花膠同少少排翅。佢既雞唔係好嫩滑個種，有啲雞味，而且唔會好肥。花膠夠大件，都煲軟身幾稔，翅都算ok, 夾等到食既。 真係幾真材實料。蟲草花杞子浸翡翠苗，豆苗好新鮮，配埋蟲草花好正氣既感覺，而佢既上湯都飲得，唔錯。仲有佢既醉豬手，出乎意外地好稔身又幾爽口，佢既酒味幾香，唔會好濃。而杞子我覺得煮過酒好似仲好味。今餐既健康膳食真係唔錯。