鴻福堂 (Moved) New Location

平時食開又煎又炸既嘢，呢排轉食返啲健康啲既嘢，最近愛上咗鴻福堂既自家湯蒸飯套餐，$60 蚊一碗飯跟一個湯，每日都大約有 6 款飯同 4 款湯比你揀。蝦米蝦醬豚肉紅米飯 : 驟眼睇好似好細碗，但原來成個食哂都幾飽肚下，豚肉雖然比較硬身，但食落口一啲都唔韌，而且幾好食 ; 米飯口感濕濕地，有蝦米、粟米、蘿蔔、紅米飯等配料，加埋甜豉油食無得頂。瑤柱響螺合掌瓜豬腱湯 : 飲落口超有阿媽煲既老火湯感覺，油份適中夠味道，而且飲完無口渴。