Mr.W 即烘蛋糕

Open Now

Now Closed

其實天后真係有好多嘢食，今次試呢間係一間即焗蛋糕小店，之前有經過都排晒隊㗎，但今日難得無乜人，所以即刻去買黎試下先！舖頭有固定三種蛋糕: 棗蓉蛋糕$75無花果蛋糕$75原味鮮奶蛋糕$60另外逢星期二，四，六有紅豆夾心蛋糕$80逢星期一，三，五，日有栗子蛋糕$85我嗰日去係星期三，但栗子蛋糕已經賣晒，果然每日即整係好快賣曬。於是試咗固定嗰三款蛋糕，三款都好味，店員提議可以雙拼，每個口味要半條。半條價錢如下:棗蓉蛋糕$40無花果蛋糕$40原味鮮奶蛋糕$30紅豆夾心蛋糕$40栗子蛋糕$45仲要好好咁幫我切埋。店員另外送左2張現金券俾我，下次買可以慳返幾蚊🤣半條原味鮮奶蛋糕+半條無花果蛋糕原條棗蓉蛋糕原味鮮奶蛋糕，我鍾意佢個奶同蛋香味，食落夠鬆軟。但留意返由於有鮮奶所以記得要擺雪櫃。無花果蛋糕，呢個食落去有無花果肉，有淡淡無花果香。又唔會太甜！我最鍾意係呢個棗蓉蛋糕，個紅棗味好出，入邊又有粒粒紅棗肉，咬落去幾有口感。