小農夫拉麵食屋 (Closed)

聽聞呢間店新開一個月左右，主打農家菜，不含味精色素，於是帶長輩黎試試。叫了4個套餐，主要的肉類選擇是雞和豬，如果以後有更多主菜選擇，例如羊肉、牛肉就更好了。套餐有一份主菜配拉麵/飯，包沙律和自家製飲品，當日有洛神花同雪梨甘筍雪耳茶。總分量是十分足夠的，但建議增加主菜分量，調減拉麵的分量，會平衡d，因為碗拉麵太飽足，主菜相對較細碟。味道上有住家飯的感覺，有種人情味係度，長輩食完都覺得食物新鮮不油膩，比出面的餐廳放的油鹽少較健康。價格合宜，新張期仲有9折。希望店鋪以後有更多款式選擇，同埋有新鮮農家菜同肉類賣就更好了。