海港酒家

Open Now

Now Closed

中秋節始終都係要叫下餸食飯先似樣既，所以今晚揀咗成日經過都見到排隊但又從未幫襯過既海港。冇訂位，所以要食早輪，五點半就入坐，知客姐姐話七點要交枱，大時大節的確緊張。一向都記得這樣的燒鵝是馳名的，第一次幫襯，冇理由吾試試。叫了個例牌，七十二元，應該是過節價吧。果然脆皮，亦肥，滿口鵝油香，鵝肉也騷騷的，很夠鵝味。名不虛傳。第二味叫了別不同果醋骨，這排骨肉多過骨，肯定啱晒喜歡啖啖肉的人，我自己就覺得能多點骨可能會啱數啲。如果没有酸酸甜甜的果醋茨汁中和一下，這煲排骨真的會幾滯的。兩味都係肉，也叫個菜吧，要了清淡一點的腐皮瑤柱浸菜心苗。浸菜的高湯濃淡得而，腐皮林滑亦有點豆香，跟香口的瑤柱共吃味道很搭配。菜心苗嫩嫩的，都吾孤寒，一碟都有幾多菜。欣賞做生意均均真真夠足砰的商號。如果平日無啦啦黎晚飯小菜我係會覺得怪怪的，總覺得是過時過節黎成食，件事才啱數。