上星期媽咪話要去樂富的Pansonic 專門店買吸塵機
同佢揀左1個鐘, 都差唔多7點了
又到晚飯時間, 見人少少又好耐冇同媽咪談心
所以就拉左佢來左富臨皇宮食晚飯~
樂富既富臨皇宮都唔係第一次去, 記得上次食物質素都幾好,
不過中途同侍應有少少溝通問題, 不過唔緊要, 今次再去試吓先~
呢度環境唔錯, 坐得好舒服, 除左有優惠小菜外,
仲有十幾二款小菜, 價錢都幾大眾化, 都幾抵食~
我們母女二人組點了以下野食:
野山參燉水鴨湯
豉汁蒸大鱔 生煎菜肉包
野山參燉水鴨湯 - 一大盅熱辣辣送上, 既滋補又養顏! 湯頭鮮甜味美, 幸好鴨味不突出, (因為好怕有陣鴨酥味), 喝得出好足料, 飲完成個身暖晒!
湯渣都幾好味, 廋肉都幾嫩滑, 沾啲豉油吃, 可以送到一碗飯!
豉汁蒸大鱔-媽咪是魚迷,怎少得叫條鱔佢食呢~小妹本身唔中意食魚,好怕果陣臭腥味,但呢條鱔又冇喎,用豉椒來調味,骨又唔多,真係幾好食,幾好送飯!
生煎菜肉包 - 唔夠飽再點左6個生煎菜肉包,嘩!!!好好食！！！首先皮好鬆軟，一啖咬落去,
入面既菜肉好香好有肉汁, 出面既包包又軟熟好食, 再加上個皮煎得好脆, 個人覺得好好食!!!!!
好想再番去食呀!!!
