友利冰室 x 勿當奴 (中海日升中心) (Closed)

晚飯時間唔想煮，又係觀塘覓食，今次來到駿業街嘅日升中心地下的友利冰室x勿當奴。出發前已經有晒目標想試食佢地嘅 「勿當奴」系列，朋友稱佢地嘅脆弱雞腿包為「叫佢複制無叫佢超越」，可惜去到先知最近改左晚市不供應「勿當奴」系列，事緣係樓上開左大集團，銷量差左所以cut晚市。講返餐廳，位置上唔算遠，由apm 落巧明街行多5分鐘就到，唔洗搭lift 就喺地下果層行到最入。環境值得一讚，牆上的彩色壁畫好靚！裝潢主調係木色加白色感覺好cosy，地方亦都寬敞坐得舒服 (無影到相...)食唔到脆弱雞，叫左豉油無骨雞飯 配 油菜 配 熱咖啡 ($89)，油雞好滑，咸度適中，雞、飯和菜嘅份量都好足 (我最後食唔晒個飯 so sorry)。飲品係自助，有部機出即磨咖啡，味道可以。另外要讚當晚企前台嘅收銀同送餐位哥哥都好有禮貌。總結：好食嘅但又未到驚豔，下次揀返佢餐廳推介可能先會有驚喜，遲啲會試「勿當奴」。