Le 188° 餐廳及酒廊

Open Now

Now Closed

靚景打咭五分，食物四分，服務就只有能夠畀三分喇今次book咗四個人嘅枱，2套2人下午茶，佢哋每張枱都全部係海景，有呢個咁靚嘅維港景41樓，雖然今日5。1， 但人不多，只6成客人，雖然有微雨未至於天朗氣清，但係個景色實在真係無頂嘅今次喺佢哋嘅官網度訂咗兩set嘅下午茶tea set套餐有鴨肝啦，海胆有，魚子醬亦都有so call龍蝦帶子等，每款都精緻的。下午茶嘅水準：食物有質素，仲包咗每人一杯sparkling wine又或者如果你唔飲sparkling wine嘅話可以選擇橙汁或者蘋果汁,最後仲有coffee or tea不過佢哋嘅服務質素呢就有商確喇。因為我哋坐咗五分鐘佢都冇畀水我哋,而當我嗌杯水嘅時候 佢只係畀我而冇畀我其他嘅朋友 亦都冇問佢哋需唔需要,問佢套餐包括什麼飲品，佢居然唔清楚，之後又揾另一位來。以酒店來說，呢個服務似乎就未達到水平。總括今次體驗都有4分，作為朋友相聚著實不錯。