Video
Read full review
2024-03-16
257 views
上星期六難得和爸爸走到深水埗區（說真的平時沒什麼特別，作為女生，我絕少踏入此區）,諗住帶他 "見識" 下此區的新面貌，所以找了迷你毛。一轉入食店所屬的街道，已知道就是這裡無疑，因為長長一條龍。。。排隊，從來都是香港特色，當然，尤其係咁出名的食店。所以我地亦好甘心，好耐心地排隊，等呀等，等呀等。。。就這樣，快半小時過去了。開始見到前方有一兩 pair 人（當時我地前面約有七至八 pair），離開了？咦，咁咪更好，我地可以快些排到。但奇怪的是，見到一兩張枱的客人都走了，但五分鐘，十分鐘，才有食店職員（清一式後生到不得了的職員）行出來，但又好似是不是帶人入去，真的很奇怪。突然，前面五，六 pair人都走了，哦，是放棄排隊了？我和老豆還滿心期待，就快入得了！現在前面只剩一位女士。他男友人的車就泊在路旁，還細心地問她，要唔要她坐車上等，換他來排隊（因為該女士是有腳傷正用拐杖）。而我後面排隊的人龍，是剛來時的兩倍了。又過了一會，一個好年輕的waitress 走了出來，雖然其實根本再無人從餐廳埋單，我們仍抱住希望，可能還有些 "吉位" 我們看不到。點知，waitress 問我地，你地有冇攞飛？？冇哦
一轉入食店所屬的街道，已知道就是這裡無疑，因為長長一條龍。。。排隊，從來都是香港特色，當然，尤其係咁出名的食店。
所以我地亦好甘心，好耐心地排隊，等呀等，等呀等。。。就這樣，快半小時過去了。
開始見到前方有一兩 pair 人（當時我地前面約有七至八 pair），離開了？咦，咁咪更好，我地可以快些排到。但奇怪的是，見到一兩張枱的客人都走了，但五分鐘，十分鐘，才有食店職員（清一式後生到不得了的職員）行出來，但又好似是不是帶人入去，真的很奇怪。
突然，前面五，六 pair人都走了，哦，是放棄排隊了？我和老豆還滿心期待，就快入得了！現在前面只剩一位女士。他男友人的車就泊在路旁，還細心地問她，要唔要她坐車上等，換他來排隊（因為該女士是有腳傷正用拐杖）。而我後面排隊的人龍，是剛來時的兩倍了。
又過了一會，一個好年輕的waitress 走了出來，雖然其實根本再無人從餐廳埋單，我們仍抱住希望，可能還有些 "吉位" 我們看不到。
點知，waitress 問我地，你地有冇攞飛？？
冇哦，有邊個同我地講呢？我地已排左半個幾鐘。。。
要攞飛先，攞左飛都要再排過的。。。
吓，小姐，你唔好早 d 講
Sorry 呀，餐廳太多人，未得閒講到，咁你地仲要唔要攞飛 （好似話你聽，唔攞飛就過主啦）
在咁嘅對話後，我同老豆（其實佢 over 70啦，肯陪我癲在街上排左咁耐隊）決定放棄！
前面的女士這時也勁嬲，問那位 waitress點解唔一早講，什麼什麼，" 淡定無比" 的小女孩，回答佢：Sorry 呀，我地冇估到今日咁多人的。。。
吓，今日星期六喎，唔會多人？你地開鋪唔係想多人㗎。。。
之後佢地爭論結果如何，我已不得而知，也不知道我們後面那二十多位等待中的人去向如何，唯有說句，祝佢好運。餐廳如果繼續出呢個 "排隊唔話你知要攞飛（仲要係傳統人手派飛）， 攞咗飛都仲係要排隊" 嘅招式，恐怕都會係淪為趕客之選。
之後，我和老豆去了吃康端甜品，店舖雖小，但起碼踏踏實實，又平又好味。
補充一句：當日所見，迷你毛有個L 型大坐位，起碼可以坐5-6人，就那日只見兩個文青打扮的女生坐著。由我開始排隊到離開時，佢地都未落過 order, 只見佢地不停前後翻動餐牌，一係去自己斟水 （係，係要自己 serve 的），望住 menu好似追緊本長篇小說咁。。。其實，她們前面的落地玻璃窗所望見的，就係我地呢班望住入面，望住佢地，排隊排到懷疑人生的人，請問咁樣的坐法，作為客人，真的會 enjoy 嗎？
Post