Video
Read full review
2019-04-07
924 views
呢間野雖然個位置有d難搵，但係估佢唔到鋪頭細細，都好多人幫襯，唔知係咪假期前，我地7點3先到已經好多人要排隊，好彩朋友好好排定隊。鹽燒厚切牛脷，厚切牛脷夠厚切，係我次次食串燒都必點。呢個厚切真係幾好口感又爽口，同埋好香牛味！ 香焼原條日本鰻魚呢個燒得岩岩好，好香口又有d脆邊，個醬既味調得岩岩好，唔會太甜或太濃味。好食。孜然羊仔柳個肉好淋，唔會好軔，枱上面有D調味俾我地自己加，我就加多少少鹽，令到個羊肉更加有風味。蒜蓉燒廣島蠔 &蒜蓉燒扇貝爆多蒜蓉，相信鍾意食蒜蓉既人一定會點佢，佢燒得岩岩好，同樣燒得剛剛好，海鮮都幾新鮮厚肉，唔會燒完縮哂水。蒜蓉燒原條茄子燒蔬菜不嬲都係最耐，識食GE人一定係先叫左D蔬菜定佢地慢慢燒，因為太猛火又會燒到黑哂，又唔可以亂郁佢，廢事佢爛又剩，真係非常考功夫，不過等待係值得GE但係值得既，燒茄子燒得剛剛好，D肉好軟綿，加左少少調味去燒，好入味。川式燒韭菜究竟店家點將D韭菜排得咁整齊嫁呢，韭菜燒完之後，非常清甜，同樣好。汁燒雞髀菇串之前係台灣食過，就知道汁燒雞髀菇串係好好食，呢度GE燒雞髀菇亦都非常唔錯，雞髀菇好有口感，咬落去仲有好多汁咇出黎，正呀。呢到仲有好多本
鹽燒厚切牛脷，厚切牛脷夠厚切，係我次次食串燒都必點。呢個厚切真係幾好口感又爽口，同埋好香牛味！
香焼原條日本鰻魚
呢個燒得岩岩好，好香口又有d脆邊，個醬既味調得岩岩好，唔會太甜或太濃味。好食。
孜然羊仔柳
個肉好淋，唔會好軔，枱上面有D調味俾我地自己加，我就加多少少鹽，令到個羊肉更加有風味。
蒜蓉燒廣島蠔 &蒜蓉燒扇貝
爆多蒜蓉，相信鍾意食蒜蓉既人一定會點佢，佢燒得岩岩好，同樣燒得剛剛好，海鮮都幾新鮮厚肉，唔會燒完縮哂水。
蒜蓉燒原條茄子
燒蔬菜不嬲都係最耐，識食GE人一定係先叫左D蔬菜定佢地慢慢燒，因為太猛火又會燒到黑哂，又唔可以亂郁佢，廢事佢爛又剩，真係非常考功夫，不過等待係值得GE但係值得既，燒茄子燒得剛剛好，D肉好軟綿，加左少少調味去燒，好入味。
川式燒韭菜
究竟店家點將D韭菜排得咁整齊嫁呢，韭菜燒完之後，非常清甜，同樣好。
汁燒雞髀菇串
之前係台灣食過，就知道汁燒雞髀菇串係好好食，呢度GE燒雞髀菇亦都非常唔錯，雞髀菇好有口感，咬落去仲有好多汁咇出黎，正呀。
呢到仲有好多本地手工啤酒飲，野食價錢合理，放假黎呢到摸下酒啤底都真係幾爽。
Post
