Video
Read full review
2019-02-02
115 views
呢棟大廈好多嘢食，嚟過幾次一直都想試呢間，今日見時間早有折就即刻一試！係繁忙時段入座有78折！好抵！我地揀左海鮮噴泉木桶餐$388/人包括木桶火鍋、海鮮拼盤、手工拼盤、炸物拼盤、以及一個特選肉類，無限追加方面有紅白酒、啤酒、飲品提供，另外仲有好多唔同種類火鍋配料無限追加添！超抵！首先個火鍋係大大個木桶，杉木造嘅木桶好養生，好多好處，店內都有poster講解，而底部係石春防止痴底。最特別係木桶內有一排窿洞，底部抽上去嘅湯會從洞內流出，確保呢個位置出嘅湯冇油，可以品嘗到湯底美味！好聰明！我地叫左印度椰子雞湯，不得了！椰子同雞嘅份量都幾足，湯頭濃郁鮮甜，雞肉鮮嫩有雞味，完全唔係d 又柴又白嘅雪雞，好好味！飲左1/3桶先開始打邊爐。海鮮套餐重頭戲當然係海鮮拼盤！海鮮拼盤有大大隻新鮮龍蝦（每人半隻）、象拔蚌仔、大蝦、蠔、蜆等海鮮，全部都好新鮮好鮮甜！煮完個湯都好甜！龍蝦，膏多肉質紮實鮮甜；象拔蚌仔好鮮甜爽口；大蝦都非常紮實爽口鮮甜！全部都好好味！手工拼盤佢地嘅手工拼盤全部都係即日自己包嘅餃子雲吞同手打丸。好有誠意不但止，仲要都好好味！手打丸中手打墨魚丸最正，好爽有墨魚肉同埋好新鮮🤤手打牛肉丸都好
係繁忙時段入座有78折！好抵！
我地揀左海鮮噴泉木桶餐$388/人
包括木桶火鍋、海鮮拼盤、手工拼盤、炸物拼盤、以及一個特選肉類，無限追加方面有紅白酒、啤酒、飲品提供，另外仲有好多唔同種類火鍋配料無限追加添！超抵！
首先個火鍋係大大個木桶，杉木造嘅木桶好養生，好多好處，店內都有poster講解，而底部係石春防止痴底。
最特別係木桶內有一排窿洞，底部抽上去嘅湯會從洞內流出，確保呢個位置出嘅湯冇油，可以品嘗到湯底美味！好聰明！
我地叫左印度椰子雞湯，不得了！椰子同雞嘅份量都幾足，湯頭濃郁鮮甜，雞肉鮮嫩有雞味，完全唔係d 又柴又白嘅雪雞，好好味！飲左1/3桶先開始打邊爐。
海鮮套餐重頭戲當然係海鮮拼盤！
海鮮拼盤有大大隻新鮮龍蝦（每人半隻）、象拔蚌仔、大蝦、蠔、蜆等海鮮，全部都好新鮮好鮮甜！煮完個湯都好甜！龍蝦，膏多肉質紮實鮮甜；象拔蚌仔好鮮甜爽口；大蝦都非常紮實爽口鮮甜！全部都好好味！
手工拼盤
佢地嘅手工拼盤全部都係即日自己包嘅餃子雲吞同手打丸。好有誠意不但止，仲要都好好味！
手打丸中手打墨魚丸最正，好爽有墨魚肉同埋好新鮮🤤手打牛肉丸都好味入面有芝士。
手工包雲吞係好香豬肉味加小小蝦嘅港式雲吞。
手工餃子有三款韭菜蝦餃、芹菜豬肉餃、西洋菜餃，全部都食到新鮮蔬菜味道，而且皮薄配搭調味都唔錯。青瓜豬肉環同胡椒豬肉丸就一般般。
炸物拼盤
拼盤有響鈴、魚皮、百花釀油炸鬼，份量唔多，但係大大件，百花釀油炸鬼就咁食已經唔錯，打邊爐浸3秒味道更佳。其他炸物就不過不失。
此外仲可以揀一款精選肉類，有牛頸脊、羊肉、豬肉，我地揀左牛頸脊，但係有d失望，肉質好粗孩，但係牛肉味濃郁。下次會揀羊肉。
除了以上三個拼盤，可以自己係ipad點飲品以及其他邊爐配料，選擇好多，而且最好係可以一粒粒一片片咁點，唔會造成浪費！
我地最鍾意係芋頭片，好綿密香甜，點左幾次，其次白魚蛋、娃娃菜等等都唔錯。
飲品方面有紅白酒、啤酒、以及唔同飲品，白酒味道偏淡同甜，適合女仔飲～
我地食嘅時段比較早，店員冇咁忙，佢地好貼心，會講解點用木桶打邊爐，建議我地打邊爐點樣食會最好，又留意住水位加湯，又會介紹下食物，好熱情。
同埋橫濱街場呢間火鍋店裝修貫徹籃球街場嘅主題，好欣賞除了鐵絲網、籃球架、籃球等裝飾外，連地下都油左綠色同畫左籃球場嘅白線。
總體來說，呢間火鍋店食材新鮮，味道好唔錯，價錢合理，裝修主題突出，值得一試！
Post
