1）頭盤沙律
沙律菜非常新鮮我哋叫咗蕃茄蒜味汁，配搭唔錯，好適合做開胃小食
2.）帶子配菠菜汁同意大利黃瓜
帶子兩邊煎得焦香，仲有菠菜汁同埋旁邊伴咗菠菜青檸泡沫，感覺新鮮同優雅！
3）澳洲龍蝦配龍蝦膏醬
我哋係二人餐，所以每人有半邊龍蝦肉，龍蝦新鮮喺魚缸捉出嚟，肉質爽甜，配埋creamy嘅龍蝦膏醬，簡直就係海鮮盛宴，好想再食多半邊！
4）美國牛肉薄燒配大啡菇、蕃茄、意大利黃瓜、日本小青椒
牛肉薄燒入面捲咗少少炸蒜同埋蔥，非常惹味，唔會煎得乾身，肉質保持鮮嫩，點少少竹炭鹽，令牛味即刻出曬黎！
5）西班牙黑毛豬柳
呢一度嘅黑毛豬柳係可以用一個豬肉仲係保持住少少先鮮嫩粉紅色咁樣上碟！上碟前再用櫻桃木煙燻一下，別有一番風味，豬柳亦都非常厚身，有咬口得嚟又唔會難以咀嚼，非常正嘅享受！
最後有油揚昆布湯同埋甜品，為整個鐵板燒旅程畫上圓滿句號，真係一間唔錯嘅鐵板燒！
