阿太車仔麵 (Closed)

公司附近開咗間新車仔麵，以前隔離間車仔麵執咗笠之後。都有一段時間冇喺呢頭食過車仔麵。見佢門面好似OK，就入去試吓。一入到去，都幾乾淨企理。啲姐姐件制服幾靚😝。咁我就叫咗三餸嘅面。豬皮同豬腸係我食車仔麵必食既膽。仲見到個醬汁魷魚好似幾特別，就叫左呢三個餸。碗麵一嚟到試吓個湯底先，一飲落去又幾好wo， 清清甜甜，仲有藥材味，應該係淆出嚟。講番三個餸先，豬皮同豬腸夠入味。豬皮相對爽口，不過豬腸可以再有咬口D，但我又幾鍾意豬腸個滷水汁。醬汁魷魚小小辣，唔太大舊，幾易咬。總括嚟講，車仔麵來說，係中上水準。一定會再嚟encore ，試下其他餸。