博多拉麵別天神 (Closed)

想食好耐，但永遠都好多人排隊，今日唔趕時間所以就決定等，等咗差唔多成個鐘但大家都好有耐性，香港人抵讚！佢有部機買嘢食，跟著就排去另一條隊，等入座，大家記住啦！食物種類唔多，店面似足日本拉麵鋪，得兩個店員，真係辛苦晒啦！我同男朋友各嗌咗豚骨湯拉麵同蝦味噌湯拉麵個湯底真係好濃，乳白色架，男朋友差唔多飲哂佢既湯佢主張冇味精架，而我地食完都唔覺得好口渴！豚肉佢會燒過，香口好多，拉麵軟硬適中，偏爽口！蝦味果碗真係好多蝦好入味！ 我鍾意食辣，跟佢自製辣配方真係好正