NAGE Taiwanese Cuisine (Ivy Street) (Moved)

齊人方可入座，用餐時間60分鐘。有咁多規則都好多人食，你就知道佢有幾好食、幾抵食。有唔少喺附近返工嘅人食lunch，如果唔想排隊，就要喺lunch hour之前或者之後先食喇！
ps食食吓聽到後邊枱客好大聲講“呢度我成日食，樣樣都好食！”
*
那個滷排骨便當 $66
帶骨豬扒相當厚身，Size大過個碗，仲要係即叫即做！先上粉炸脆外皮，鎖住肉汁，令排骨相當嫩，但又有咬口。之後再浸自家製滷汁，因浸泡嘅時間較短，做到半脆半軟嘅口感。枱面有三種味粉香料可以撒：紫菜、鹽酥雞、麻辣。
白飯份量超級多，少飯都食唔晒啊！雖然飯香一般般，但粒粒飽滿又軟熟。
配菜每星期都唔同，每樣配菜都好好食，而且有唔少菜，飲食好均衡。

那個滷排骨便當

$66

蜂蜜青檸寒天冰茶 +$12
少甜都真係少甜，青檸比蜂蜜味強烈，寒天偏硬，茶底唔會太澀。

蜂蜜青檸寒天冰茶

$12