1
近年，台式刈包成功打入香港美食界，今次新開業小店亦主打刈包，包括芝士吉列蠔刈包$44、台式魯肉片刈包$44、麻辣慢煮雞刈包$40、特製馬德里魷魚刈包（素）$46。其中，芝士吉列蠔刈包內有兩隻炸蠔， 金黃色炸蠔大小適中，帶有脆感，內裏配有芝士片、沙律菜，減低炸蠔油膩感，但感覺似平時「友利坊x友利冰室x勿當奴」嘅炸物。
而特製馬德里魷魚刈包為素食之選，原來係同素食小店「游° Yau Veggie Bistro」聯乘之作，雖然名為魷魚刈包，但其實係雞髀菇，炸成平常魷魚圈形狀，單睇外表未必知佢係素食，加上醬汁酸甜中帶有微辣，幾開胃，比招牌炸蠔刈包較有驚喜。
呢杯手拍青瓜espresso tonic同時包含3種材料，手拍青瓜、espresso咖啡、tonic水，攪勻後一啖入口，最初好重手拍青瓜味，非常清新，配搭炸物刈包就更消滯解膩。而中間滲出咖啡味，然後係tonic嘅澀味，原來係小店獨家同得意之作。
