樂樂冰室

Open Now

Now Closed

朋友山長水遠走入黎上水搵我食lunch~梗係帶佢食間有d水準既……茶記啦~樂樂冰室係繼廣成之後,成日都有唔少人等位既茶記, 可想而知樂樂都有唔少捧場客。朋友點左芝士焗肉醬意粉同菠蘿冰, 而我就梗係食招牌芝士焗豬扒飯啦, 野飲就叫左紅豆奶茶。肉醬意粉同焗豬扒飯上到黎都係熱辣辣~ 有芝士ge野食都係趁熱食最好食~ 我覺得我個焗豬扒飯就幾好味喇~水牛芝好香, 蕃茄又唔好太酸, 炒飯底ok~ 而且豬扒都幾腍, 唔會好乾~ 而紅豆奶茶就正常啦~朋友就話肉醬意粉唔錯, 芝士同肉醬d味好濃郁,不過食多左會開始覺得漏~ 而菠蘿冰就唔得喎~淡貿貿…而黎得呢度都唔期望有d咩service ga~正常茶記咁lor~呢度食物唔錯, 總算有心去做~ 真係支持呢d地道餐廳好過幫襯d連鎖茶餐廳或快餐店。