神跡章魚燒 (Closed)

呢間食過幾次，都係keep住一貫好食既質素服務質素都唔錯，落單店員有禮貌我食開明太子味（下次諗住試茜味😍），好好食🤤有時收工番到黎佢仲有開我就會好感恩！佢既章魚燒食落塊個口感偏淋身（同日本食個隻一樣）入面既章魚係爽脆口感係香港好難食到呢一種口感，但佢做到！章魚燒入面用既料唔算少，唔會係街邊食到個啲淨係得幾粒粟米既貨仔！另外有樣野幾欣賞既係佢既木魚絲係分開擺，初時我都係到諗咁做係咪有啲多餘但買完拎返屋企開黎食就發現原來係想keep住新鮮令啲木魚碎唔好淋曬😊同埋佢有好多味擇，次次去到都有選擇困難症😅唯一美中不足既係佢即叫即整，次次去都要等一段時間先有唔想等咁耐就可以預先WhatsApp佢地預早落定單先（好似可以咁做但暫時未試過佢地有積分卡，記得每次去買拎張卡比佢地蓋印儲齊有得送一份章魚燒！🤪唔好好似我咁成日唔記得帶卡蝕左幾個印仔🥹好店難求，雖然佢地間鋪細，地點未必就腳，但感受到佢地既熱誠所以會繼續支持🙌🏻