泰茶館 (Closed)

夜晚來到灣仔食飯，想搵比較有特色的小店，搵到呢間，原來喺一間不起眼的商場度，得四五個位，做外賣為主。泰式招牌三寶湯河，有豬肉丸、牛肉丸、魚蛋、肥牛，豬肉丸牛肉丸細細粒，夠爽，有肉味，魚蛋就似買到的包裝泰式魚蛋，肥牛都不算太肥，最欣賞有泰國都食到的爽脆通采仔，湯底似有豬血，正宗嘅感覺。泰式蒜香胡椒雞肉飯，對於好喜歡蒜嘅人黎講，蒜味似乎唔太夠，雖然都有少少泰風味，但相對唔太特別，只係炒雞肉比較簡單，另一邊配煎蛋同白飯。泰式奶茶奶味較重，易入口。兩個人食都係一百元左右，好抵啦。