㗎仔飯 (Closed)

今日去花園街圖書館借完好肚餓，係附近行既時候見到呢間門口既餐廳，價錢唔貴，就入去喇。呢間舖真係好細，座位大約得5-6個。雖然係高凳，都唔會坐得唔舒服既~Lunch set有春夏秋冬四款，跟一杯冷泡茶或者熱煎茶。今日叫左一份生炸鮮魚柳咖喱飯 ($54)，跟熱煎茶。即叫即炸既鮮魚柳熱辣辣，表面炸得夠香脆。但好快淋，所以上枱就要快啲食喇! 兩塊魚柳算大塊，肉質略為有啲散，但都可接受既。咖喱汁係另上，自已淋落飯，咖喱汁份量夠，配料都足，有薯仔同紅蘿蔔，咖喱味好香但又唔會好辣。整體份量可以滿足女仔食量，男仔可能要加小食先夠喇。