品記鮮粉人家私房菜館

剛剛搬到紅磡，夜晚經過幾次，樓下呢間火鍋店都勁多人，疫情關係冇得堂食，搵到時間過嚟試吓外賣，老闆介紹呢度雞煲係招牌，所以叫咗半隻番屋企試吓，雞煲醬汁勁惹味，雞肉夠嫩滑，冇介紹錯！我之前仲諗住冇湯跟做火鍋，自己走咗去買咗盒史雲生雞湯，原來呢度所有嘅雞煲外賣都有跟火鍋配料同埋雞煲醬，雖然我只係幫襯一個雞煲同小食，但係都有跟俾我！非常之貼心。

小食我就試咗嗰涼拌海蜇頭，配上日本芥末非常開胃！

同埋涼拌皮蛋，酸酸甜甜好開胃！

疫情之下雖然生意少咗，但係我個人覺得保持食物水準同埋服務，點樣都有得做嘅，所以一定要支持